4 બોલમાં 4 વિકેટ… 20 વર્ષની વૈષ્ણવી શર્માએ ડબલ હેટ્રિક લઈ મચાવી ધમાલ

ભારતીય મહિલા ક્રિકેટમાં વૈષ્ણવી શર્માએ પોતાની શાનદાર બોલિંગથી સૌનું ધ્યાન ખેંચ્યું છે. સિનિયર મહિલા T20 ટ્રોફીમાં મધ્યપ્રદેશ તરફથી રમતી વૈષ્ણવીએ આંધ્રપ્રદેશ સામે માત્ર ચાર બોલમાં ચાર વિકેટ લઈને ડબલ હેટ્રિક નોંધાવી હતી. તેની ઘાતક બોલિંગના કારણે આંધ્રપ્રદેશની ટીમ 129 રનમાં સમેટાઈ ગઈ હતી. ત્યારબાદ મધ્યપ્રદેશે 9 વિકેટે જીત મેળવી હતી.