દીકરી બનીને દિવાળીએ પિયર પધારે છે માતાજી, દોઢસો વરસથી અખંડ શ્રદ્ધાની અનોખી પરંપરા

અમદાવાદના શાહપુર વિસ્તારની વનમાળી વાંકાની પોળમાં 150 વર્ષથી અનોખી પરંપરા જોવા મળે છે. અહીંના રહીશો માતાજીને દીકરી માની, દિવાળીના બેસતા વર્ષે પિયર પધારવા ભાવભીનું આમંત્રણ આપે છે. શરદ પૂનમ પહેલાં ઢોલના નાદ સાથે આમંત્રણ અપાય છે અને બેસતા વર્ષે વાજતે-ગાજતે માતાજીને પોળમાં લાવી, લાભ પાંચમ સુધી પૂજા કરાય છે. આ પરંપરા પોળની એકતા અને શ્રદ્ધાનું પ્રતિક છે.