‘ഞാൻ ആ കുട്ടിയെ കണ്ടിട്ടൂല്ല്യാ, ഈ കാട്ടിൽ പോയിട്ടൂല്ല്യാ...’: എന്നിട്ടും ആർട്ടിസ്റ്റ് നമ്പൂതിരി എങ്ങനെ ആ ചിത്രം വരച്ചു? വായിക്കാം ‘നിള’

എറണാകുളം സൗത്ത് റെയിൽവേ സ്റ്റേഷനിൽനിന്ന് വേണാട് എക്‌സ്‌പ്രസിൽ കേറാൻ നിൽക്കുമ്പോഴാണ് തിളങ്ങുന്ന തൂവെള്ളി തലമുടി ഭംഗിയായി കെട്ടിവച്ച മഞ്ഞ ഷർട്ടുകാരനെ ശ്രദ്ധിച്ചത്. ഒറ്റമുണ്ട്. കണ്ണട, ഒരു ചെറുചങ്ങലയിൽ നെഞ്ചിൽ ഊഞ്ഞാലാടുന്നു. ആർട്ടിസ്റ്റ് നമ്പൂതിരി! ‘‘മാഷേ, നമസ്‌കാരം’’– മൂപ്പര് എന്നെ ഒന്ന് നോക്കി. നീല പളുങ്ക് കണ്ണുകൾ ആദ്യമേചിരിച്ചു. ‘‘നമസ്‌കാരം’’– മനസ്സിലാവാത്തതിന്റെ ചിരിയും അദ്ദേഹത്തിൽ വിരിഞ്ഞു. ‘‘മാഷ് എങ്ങടാ?’’